香港乒乓網 - Powered by Discuz! Board

標題: [膠皮討論] 講下唔同既粒仔, 同反膠轉粒仔. [打印本頁]

作者: lmichael 時間: 2016-6-16 01:10 標題: 講下唔同既粒仔, 同反膠轉粒仔.

打左幾十年直板反膠,幾年前轉正膠.點解轉? 下次講

轉正膠, 打過很多不同的膠皮,有563, 563-1, 802, 802-40, TSP spectol, bty Challenger, Andro blow fish, Dr N Killer, nittaku Moristo SP, Tihar Speedy Tecs. 都可以講下呢幾塊膠的性能. 粒仔同反膠好唔同, 粒仔性能,真係相差好遠.

先講563,呢隻膠打左好耐,我轉正膠後, 大部份時間都打佢,用1.8海綿,原裝鬼斧海綿,佢幾乎係全能的正膠,能攻,能守,能防弧圈,有時仲能拉一板

發球,能發轉和不轉,反攻弧圈都無問題. 但係,佢有幾個置命約點,
1.顆粒易斷,佢唔係斷晒,而係斷左一半,仲連住沒脫落,呢個真係麻類,你打中佢斷既位,同打中佢無斷既位,手感係唔同,而如果你訓練強度大,幾乎打一,兩次就要換一片,我想大大話話,我換面膠換左可能有一百塊

原來呢個係死證,你上網查下563 斷顆粒, 就見到好多文章.....
2.差球沒轉,呢個真係無辦法,他什麼都可以有轉,就是差下旋加不到轉,當對563熟的人,只要迫你差一板,他就能加你了.
3.控制困難,其實是相對, 始終是中顆,比短顆鞋控.
4.如果你打過內能膠皮,始終會覺得怪.
整體來講,用來做防守不錯, 但如果做正手進攻就覺得唔夠,單面,更加唔得.
563-1同563分別,主要係更偏向長膠.更飄,更難控.

802,802-40,中國傳統正膠,唔係話佢唔好,但係,做工真係差,由磨擦,控制都比日本正膠差. 如果想搵塊正膠玩下,呢個都錯,因為夠平.原裝海綿,唔知係唔係因為轉左大波,真係成日覺得唔夠力.

TSP SPECTOL,佢有兩隻,有隻話係專比40大球用,兩隻都打過,分別唔覺好大. 佢係一塊可以打到進攻既正膠,其實留意一下,仲打緊正膠既國際級球員,絕大部份,都唔係用大陸牌子,就算大陸球員都係,點解?因為做功真係唔同,SPECTOL都算好打,但係雖然話生膠,但唔沉,因為唔係內能,第二點唔會向前沖,能拉,但亦會食旋轉,不過如果你打開反膠,以我意見轉佢,唔係好易適應, 佢既動作和反膠相差比較遠,你想打中台或離左台,都幾難,佢既設計是前台借力再加力.中台自己發力唔係好夠,只能夠講,佢係一發質素好高既傳統粒仔,做功好.

Challenger,高軍打緊那隻,控制非常好,用得佢,咁戰術就係四個字,穩守突襲,做定義大利

佢既長處係防孤圈,減力好,你去YOUTUBE睇下張怡寧對高軍就知,你點發力拉,只要佢到位,再閘一下就到台,求無食"西",差球亦轉,但係攻球力量弱,但弱得來,中台居然可以用反貼動作拉一板. 當然,你唔好想係前沖弧圈啦,呢塊膠,都好O岩D年紀大一點既人打,而佢既弧線亦比較特別. 對手都唔一定適應.

BLOWFISH,打緊,只能講,真係一塊好膠,內能做得極好,弧線第二跳好沉,差球轉,能拉,中台相持好,居然可以同反膠對拉, 不過易食西,反攻弧圈一流, 而且重點係,如果打開反膠,係最易轉用既正膠,動作改動可以少一些, 當然都要改一點啦.

另外幾塊,下次再講,我要訓啦.....

作者: q9450 時間: 2016-6-16 08:30

精品好帖

作者: samson2012717 時間: 2016-6-16 09:12

作者: Ayden 時間: 2016-6-16 09:18

Thanks for sharing!

作者: 勁揪俠 時間: 2016-6-16 09:40

大家都可以分享下。

作者: jensenhome 時間: 2016-6-16 09:43

Thanks for sharing

作者: johnny1996 時間: 2016-6-16 10:21

有は新款介紹,例如: spectol Red blue, 101 102, bty f2...

作者: lmichael 時間: 2016-6-16 10:27

大家咁奉場, 咁講Dr N既Killer,
呢塊膠近年都幾熱門, 朋友同對手都有見過用呢塊, 呢塊既好處, 其實就係563既加強版, 不過打開563既,都要適應下, 如果有打過563既, 呢塊一樣係中粒, 即係介乎長膠同正膠之間, 不過佢加轉係難過563, 佢最大優點係兩個, 一個係佢正手攻球好穩定,拉同打都穩定, 另外,佢顆粒唔易斷, 佢反手似長膠,正手似正膠,呢個係所有打長膠人既夢想,佢又真係做到, 而且佢正手, 做到中台發力

如果打長膠既,真係可以一試.

Mostrio SP,
即係伊滕美城個塊,呢塊膠,用得好既殺傷性幾大, 佢能差有轉無轉, 進攻又能有轉無轉, 而且, 佢有一個特點,佢出膠面, 係比一般正膠快, 即係點講到呢? 佢咬球既最間係短過一般正膠,好特別,你防佢既時候,係會覺得有時間差,所以佢打進攻,真係幾難防.不過佢既內能,做得無BLOWFISH咁快,而BLOWFISH又真係超級好控,我打防守多,所以都係用返BLOWFISH,如果自問打進攻足球,下下發力,真係可以試下.

[ 本帖最後由 lmichael 於 2016-6-16 10:54 編輯 ]

作者: lmichael 時間: 2016-6-16 10:56

引用:

原帖由 johnny1996 於 2016-6-16 10:21 發表
有は新款介紹,例如: spectol Red blue, 101 102, bty f2...

我覺得,不如有打粒仔既,大家寫下唔同型號既評測,然後做個DATABASE,即係邊個打過邊幾隻膠,有咩COMMENT,咁樣大家有問題,可以直接問當事人.

作者: 芝c高比 時間: 2016-6-16 11:06

勁人猛料支持你...

作者: Hodyhody 時間: 2016-6-16 12:29

作者: 直直地 時間: 2016-6-16 12:48

如果打開橫板反貼，想轉粒仔，什麽類型的板與膠，會比較容易上手？

請指教。

[ 本帖最後由直直地於 2016-6-16 14:57 編輯 ]

作者: 悠閒一族 時間: 2016-6-16 12:50

支持師兄

想問一句：師兄是否以直板角度作評論？

希望有其他橫板師兄，以橫板角度作評論，兩者再作比較，看看是否直板與橫板的有所不同？

作者: TS2010 時間: 2016-6-16 15:09

小弟都打咗粒仔一排,覺得"打滑"係一大問题。唔知師兄覺得边塊膠皮較少打滑問题。

作者: kevinxmak 時間: 2016-6-16 15:21

好詳細的好文　感謝分享

作者: Rabbit 時間: 2016-6-16 20:51

謝謝好帖分享, 長知識了

作者: ernestlaw 時間: 2016-6-17 01:08

參考價值極高，多謝分享。
橫板用粒仔如正反反生者，還會多一重考慮係對另一面反膠力度支撐有影響，
如果有師兄可以分享下經驗就更好了。

作者: 金擇魚 時間: 2016-6-17 01:26

點解唔講下joola ultra

作者: 阿彌陀佛 時間: 2016-6-18 09:00

BLOWFISH
HEXER pips
這兩款差不多的
兩款都接近反貼
軟容易打透
雞泡魚有厚度選擇
hexer 只有一個厚度
有0度 90 度玩

覺得無咩用

作者: antony 時間: 2016-6-18 12:14

Good

作者: old-cake 時間: 2016-6-18 13:22

打粒仔呢家野真糸好哈人，小弟八年前打返波系打反貼，四年前轉左粒仔，中間試過的膠有hamond fa,spectol, spinpips, donic 生膠王，563，killer,802， hexer,
雞泡魚，moristo, 最近三個月打緊beautry,
粒仔不同反貼，每塊膠的性能差易可以好大，每塊膠都要上板打一兩個月先知道它的利弊，真的花了不小時閒，有時還會走了彎路，找不道自己所想的路向

作者: TS2010 時間: 2016-6-18 14:01

小弟打咗冇耐粒仔單面(正貼及生胶),亦試了一些国產及外国胶皮,仍然徘徊於穏定與下沉,正路與邪門之間。

作者: skyline@@ 時間: 2016-6-20 21:54

Thx C Hing sharing

作者: 無為 時間: 2016-6-20 23:07

有冇邊塊推波好推D?
我用 Killer 好難推...

有勞介紹?

作者: 陰柔小子 時間: 2016-6-21 00:17

Good

作者: HCH 時間: 2016-6-21 14:04

各位師兄:
边塊膠皮較合邊給小孩用?

謝謝!

作者: 無為 時間: 2016-6-21 14:20

引用:

原帖由 HCH 於 2016-6-21 14:04 發表
各位師兄:
边塊膠皮較合邊給小孩用?

謝謝!

我都想問呢條問題.
我個表侄仔, 現時既球路太普通, 想整塊粒仔比佢感受一下

作者: 陰柔小子 時間: 2016-6-22 02:15

如果打邪波用563平平地可以試下
想好控制些可以用外國粒仔😉

作者: 勁揪俠 時間: 2016-6-22 10:39

引用:

原帖由無為於 2016/6/21 14:20 發表

我都想問呢條問題.
我個表侄仔, 現時既球路太普通, 想整塊粒仔比佢感受一下

Dr Neubauer Super Block

作者: lmichael 時間: 2016-6-22 13:30

有網友問了好幾個問題, 我集中回答, 有些已經不是器材的問題,是技術問題了.

1. 好多網友都問穩定好定邪好.
我會答大家, 穩定緊要過邪, 穩定同邪係有一定程度既對立, 邪同穩定加起來是10分, 咁反膠, 係0同10, 即係邪係0, 穩定係10. 最理想係.....2,8. 即係穩定係8, 邪係2, 最多都係3,7好了. 點解? 其實, 越邪, 對手越唔食, 你打粒仔去到5,5, 不如直接打長膠, 只打一個怪字. 正膠最好係比對手覺得是反膠性能, 但速度快, 原來, 仲帶少少沉同反旋轉, 呢個最好, 因為.....佢當長膠打或當反膠打都唔得. 長膠有弱點, 例如正手長球發唔到力, 但正膠反而係刀鋒位, 而反膠比人上左手之後, 就不斷比人地發力打連續打死, 但正膠可以有減力加沉, 又無咁食轉.......

2. 咁反膠轉正膠打咩粒仔好?
千奇唔好打中國膠, 呢個係我CONCLUSION. 中國, 日本同德國正膠的分別, 在於, 中國膠設計時, 就預你一開始學波就打粒仔, 所以佢係百份百預你打粒仔理論, 即係上升期攻球, 快帶, 唔會打中台等等...., 好多人, 包括我, 轉打中國正膠, 第一個感覺係.....中台唔夠力. 日本, 係基於中國有的膠皮去改進, 但係日本選手, 其實歷史上都係打反膠, 所以就算佢地有既正膠選手, 例如福原愛, 伊滕美城, 佢地都係好以打反膠既出發點去打, 所以膠皮係穩定加速度, 都係打近台快攻, 其實日本隊的正膠品質, 早就超過中國了, 所以後期的中國正膠選手, 有誰還用國貨, 大定可以舉例看看. 其實.....沒有. 還有, 一批正膠運動員, 出國後, 反而打得唔錯, 例如.....王增剪同單曉娜, 唔多唔少都因為佢地出國後, 都用了非國貨的膠皮.
咁德國正膠呢? 大家看看國際賽, 誰在用德國正膠? 一個也沒有....., 因為, 德國正膠是設計給.....反膠選手用

即是, 用反膠動作, 不用大改就能打了, 老實說, 雖然我在用德國膠, 但......業餘用還可以, 但專業球員, 為什麼要用正膠打反膠動作? 中台對拉, 不會說正膠有優勢吧? 但如果你已一把年紀, 好像我

打反膠又打到悶, 想轉正玩玩, 那打德國膠是最易上手. 有時, 你會發覺, 他用來拉球, 好像比反膠更好拉.....

作者: 陰柔小子 時間: 2016-6-22 22:40

Tihar Speedy Tecs 咩性能？？

作者: 直直地 時間: 2016-6-25 11:04

師兄介紹詳盡

聽落 blowfish 唔錯播。。。

如果橫板唔打防守，反手打正膠，邊類型板比較適合？

[ 本帖最後由直直地於 2016-6-25 18:08 編輯 ]

作者: TomLai 時間: 2016-6-25 12:06

作者: 防弧哥 時間: 2016-8-12 20:39

我覺得其實651都吾錯

作者: twohopee 時間: 2016-9-8 22:26 標題: 轉用正膠

想轉用正膠,哪一片最快? (配施拉格中直)
1. Nittaku FA speed
2. Blowfish+
3. Hexer Pips Force

作者: GatienExtra 時間: 2016-9-9 08:13

引用:

原帖由 直直地 於 2016-6-25 11:04 發表
師兄介紹詳盡

聽落 blowfish 唔錯播。。。

如果橫板唔打防守，反手打正膠，邊類型板比較適合？

一般市面上的碳板都可以，總之唔好配純木，唔好軟板，硬少少，又唔需要話特別硬

歡迎光臨香港乒乓網 (http://www.hkttf.com/)