阿舜

引用:

原帖由 惹森亮甲店 於 2014-1-28 00:31 發表
問題
城大對教育是否沒有以最強陣容出場
有無人知道賽果及球員對賽資料？？

係專教院ive, 而唔係教院

阿舜

引用:

原帖由 惹森亮甲店 於 2014-1-28 00:42 發表
亞媽教落
害人之心不可有 但防人之心不可無
在任何比賽當实力相當時便儘量不要輸 3:0 win 3:2
這樣很吃虧的
便是港大有意輸波未儘全力，但佢地沒有收受利益，只是想以冠軍為目標 其实未嘗不可
如果 ...

要防止走線好簡單, 一係打單淘汰, 一係出線後重新抽籤
要防止輸波以踢走某一特定隊伍就好難, 一來輸波以踢走某隊其實本身都有風險(呢次除外), 二來如果只係出二三線球員, 你無辦法證明佢地係唔係只想俾多d球員出場練習, 三來邊個定某一特定隊伍一定要出到線? 而家又唔係內定賽果, 點解一定要某一隊出到線先岩? 咁連比賽都唔駛啦

阿舜

引用:

原帖由 Suki 於 2014-1-28 01:24 發表

禮貌上答返你問題＞＞107#如下：

第一二場分別係李忠x甲組和郭世×乙組冠軍，李隻腳好似有傷紮住了，郭贏，另一場單打乙組對乙組，邊個贏都正常，双打就趙仔夾乙組球員輸3-2。從賽果來講除了双打有 ...

有一樣要更正, 就係趙仔係夾丙組球員而唔係乙組球員 (根據網友提供)

阿舜

引用:

原帖由 小弧飛 於 2014-1-28 01:51 發表


師兄雖然言之有理,可能你在現塲看比賽才會明白,港隊無錯有机會勝恒大（如果恒大主力球員有腳傷加上出一些雜牌軍)
我想說是HKU有動機在排陣上及球員打法上故意輸波,在排陣上可能已經排出九死一生陣(自殺陣 ...

講真, 我都覺得港大有呢個動機既可能, 而且城大我比較多熟人, 感情上原本我都比較偏向城大, 但後來發現樓主同玫瑰木既講大話, 又誇大實失人身攻擊, 而在無實據(影片)的情況下, 只單看賽果細分同對賽球員排名, 真係睇唔出, 亦無可能證明到有人打假波同違反體育精神, 而出賽名單亦只能夠說明在穩出線後俾二線出場, 但無辦法說明到底是想練波, 想讓各隊友都有出場機會,  又定係想故意輸波走線或者想令某隊出唔到線.

係無實據(影片或更詳細賽果)既情況下, 只單憑主觀既感覺來誇大實失人身攻擊, 只會變成誹謗, 希望當事人留意一下. 如果係講事實, 加上自己既觀點當然無問題.

所以我都希望有片者可以盡快上傳, 對雙方都公平一點

[ 本帖最後由 阿舜 於 2014-1-28 02:20 編輯 ]

阿舜

引用:

原帖由 iseeyou 於 2014-1-28 09:29 發表
沒錯，中大專登吾出謝對浸大，因為佢地同港大一早傾好咗一齊次名出線，咁兩邊嘅港隊球員就吾怕輸俾城大，雖然中大都係有走線之嫌，但至少佢地出較弱球員，並無打假波！所以理工就係中大個組首名出線

請問你係親耳聽到佢地傾好左一齊次名出線? 定係你自己估估下? 你講到真既咁, 我相信你一定有真憑實據, 請你立即上訴大會甚至上報. 如果你只係估估下但係講到真既咁, 我相信你已經犯左誹謗罪, 而且你唔好以為開分身就可以講不負責任既野, 我地已經查知你以同一IP作分身不停發出不當言論, 論壇將會BAN你IP同ACC.

我地希望既係真憑實據, 理性討論, 而唔係希望以你自己想像來對三間院校及同學作出侮辱.

monkey已經警告過你, 不可以再以同一IP再用幾個分身作出不負責任言論. 如果你身為某大大學生, 希望你唔好再以身試法, 如果到時有警察請論壇提供資料, 是有辦法查到你真人的

[ 本帖最後由 阿舜 於 2014-1-28 09:51 編輯 ]

阿舜

理性D講, 根據網友們既資料, 港大都一樣出較弱球員, 點解會變左只係中大先出較弱球員? iseeyou兄, 你到底知唔知自己講緊乜? 希望而家既大學生可以以理服人, 而唔係隨口噏當秘笈. 閣下咁既言論, 只會侮辱自己母校, 我認識好多城大的朋友, 既有隊友, 亦有球會會友, 佢地都好nice, 希望你唔好侮辱佢地

[ 本帖最後由 阿舜 於 2014-1-28 09:55 編輯 ]

阿舜

引用:

原帖由 cgwc 於 2014-1-28 10:33 發表


乜呢啲好似講到理所當然？
係唔係大專賽有咁多默契波？定係ISEEYOU兄你一廂情願？

而都現在都冇人解釋有冇片及有冇港大對城大及城大對專教院的對賽細節？
另中大有謝x俊一定贏梗?那為何次名?他們又走 ...

iseeyou兄一次過侮辱晒5間大學, 真係好文彩

阿舜

引用:

原帖由 mao 於 2014-1-28 23:52 發表
如果，我只是說如果
某乙組或甲組球員不停開失波，可能只有兩種可能性
1）思覺失調
或者是
2）患上開波困難SICK

不要說甲乙球員，除了新一代外我本人也很少見球員一局開失多個波

不過講真, 許昕輸俾樊振東果場波, 我記得許昕都好似開失左起碼3-4球波, 應該有一局開失左2球, 唔知有無網友記得佢開失左幾多球?

我都好想知伍係果一局開失左幾多球? 如果開失成3-4球以上, 就真係太誇張

[ 本帖最後由 阿舜 於 2014-1-29 00:11 編輯 ]

阿舜

引用:

原帖由 steven0212 於 2014-1-28 16:38 發表

誰是誰非冇evidence 我就唔係咁清楚，只不過係hear say.
我不鼓勵別人中傷別人，也不鼓勵開新戶口在同一個post 留言。
不過我更不鼓勵引用不正確法律資訊作理據。

故我有一兩點我希望大家明白。
1） defama ...

唔該晒steven0212兄, 不過我對第一同第二點有異議.

(1) 其實而家係香港, 根據現行法例, 誹謗罪可分為民事及刑事兩種, 只不過因為誹謗內容要被證實涉及惡意發布及牽涉公眾利益, 或其嚴重性大至民事訴訟亦不可彌補, 先會構成刑事罪行. 所以我地絕少聽到有刑事既誹謗, 而唔係完全無. 當然, 我個人覺得點都唔會係刑事, 只係希望大家唔好誤會誹謗只係得民事.

(2) 跟據http://www.hkclic.org/tc/topics/ ... on_defamed/q2.shtml 首先, 法院同高等法院原先下令理工大學終止有關訴訟既原因, 唔係因為原告係大學所以唔告得, 而係因為要保障新聞自由的權利. 另外係之後既上訴庭, 已經"裁定需要維護理工大學的聲譽，正如維護一間有限公司的聲譽一樣，故此理工大學有權對該雜誌採取法律行動。" 當然我只係網上搵資料, 而唔係法律專業人士, 所以如果係上訴庭之後重有另一個判決, 又或者已修例, 請指正.

[ 本帖最後由 阿舜 於 2014-1-29 01:18 編輯 ]

阿舜

引用:

原帖由 cgwc 於 2014-1-29 00:37 發表

suki姐的 女 當然係未來港隊希望, 俾滿分讚！

不過比賽時開失波有時除了練習發球的量和質不足外, 最主要係臨場的心理因素；如對方出台搶拉/攻很強, 出台少少或冒高少少會被人冲爆, 結果可能導致發球員心理 ...

咁睇來許昕果場波, 俾樊振東爆擰爆到驚驚

阿舜

引用:

原帖由 jcpenny 於 2014-1-29 00:47 發表
如果9:4領先然后真的不停開失波達到輸波,然后再大分以0:3輸波,而咁啱0:3 CITY是無得出,1:3都有得出, 如果有咁多巧恰,如果乙組球員可以在領先9:4突然開失咁多球波,我會去買六合彩
同意樓上說乒乓球沒有絕對的, ...

jcpenny兄, 有一點我諗要更正既, 就係1:3既話, CITY都一樣出唔到線, 2:3既話就唔肯定, 要有熟大專賽制既人幫手解答

如果港大輸1:3:

港大: 3:0, 1:3 = +1 (第一名)
專教院: 1:3, 3:1 = 0 (第二名)
CITY: 0:3, 3:1 = -1 (第三名)

如果港大輸2:3:

港大: 3:0, 2:3 = +2 (第一名)
專教院: 1:3, 3:2 = -1
CITY: 0:3, 3:1 = -1

有無人知, 同細分既話, 會首先計勝者為勝, 定係先計對賽其他隊伍既分? 因為我記得大專有D例有點怪, 唔肯定係唔係先計勝者為勝

另外, 閣下係唔係有係現場睇? 到底果場波開失左幾多球?

[ 本帖最後由 阿舜 於 2014-1-29 01:08 編輯 ]

阿舜

引用:

原帖由 Suki 於 2014-1-29 00:54 發表


請你都唔好誤會我意思，我冇諗過亞女會打港隊，亦不是什麼希望！！誇獎了。
我只是回應mao版主指＞＞新一代可能會經常開失波啫！！！
在某些組別水準，你講嘅嘢有道理。但對於身經百戰&#22 ...

suki姐, 許昕對樊振東果場, 許昕好似都係其中一局開失左2球波, 成場比賽好似開左最少3-4球. 不過到底係比樊振東擰爆擰到驚驚 , 定係有賽果內定, 我地就不得而知.
所以最緊要係, 伍當時到底係開失左幾多球波, 同埋因何開失波.
其實有咁人係現場睇, 無人有印象?

阿舜

咁其實趙只係打雙打, 定係佢係打第三隻及第五單, 即係如果打到最後, 都會由佢守尾門?

阿舜

岩岩有人提供大專賽制俾我, 我睇唔明中文  反而英文寫得詳細易明D
http://www.usfhk.org/en/sports/table-tennis/rules-regulations;category/31

原來三隊同分再同互相勝負, 之後再同盤(用除數計, 而唔係正負計), 係唔會計勝者為王, 而係計細局既除數(唔係正負數) 真係勁怪 (P.S 其實只係我波屎, 只打過本地賽, 未打過國際賽, 唔知大專盃既先至係國際乒聯規定既計分法)

睇完君子好波同cgwc兄既貼, 都唔係太明, 所以自己再計一次

如果港大嬴, 就一定港大第一, 城大第二

如果港大輸, 就有三隊同分, 同埋同互相勝負, 會出現3個情況
(1) 港大輸 0:3
      (A)計盤數:
                城大: 0:3, 3:1 = 3/4 = 0.75 (第三, 惟憾出局)
                港大: 3:0, 0:3 = 3/3 = 1 (第二出線)
                專教院: 1:3, 3:0 = 4/3 = 1.33 (第一出線)
(2) 港大輸 1:3
      (A)計盤數:
                城大: 0:3, 3:1 = 3/4 = 0.75 (第三, 惟憾出局)
                港大: 3:0, 1:3 = 4/3 = 1.33 (第一出線)
                專教院: 1:3, 3:1 = 4/4 = 1 (第二出線)
(3) 港大輸 2:3
      (A)計盤數:
                城大: 0:3, 3:1 = 3/4 = 0.75 (第三, 惟憾出局)
                港大: 3:0, 2:3 = 5/3 = 1.66 (第一出線)
                專教院: 1:3, 3:2 = 4/5 = 0.8 (第二出線)

即係話城大只係係港大嬴波既情況之下先可以出線, 而港大無論係輸0:3, 1:3, 定係2:3, 城大都無得出線, 但(假切)港大想走線避開中大, 就只係輸0:3先可以做得到

[ 本帖最後由 阿舜 於 2014-1-29 14:42 編輯 ]

阿舜

引用:

原帖由 happyben 於 2014-1-29 13:50 發表
其實不是奇怪，所有循環賽基本上都係，首先，如兩隊同分，勝者為勝，然後，如三隊同分，就計這三隊對賽的局分，如兩有同局分，就計小局分，這是全世界乒乓的賽例

平時打既球局, 如果有三個人同分同勝負, 計盤數既方式將會係正負分, 而唔係計除數, 而如果計完盤數後重有2個人同盤數既正負數, 就將會計勝者為王, 而唔係計局數, 我相信有可能係咁, 所以有人誤會港大一定要輸0:3, 先會令到城大出唔到線

我用而家既例子, 不過假切專教院只係嬴港大 3:2:
情況: 港大 WIN 城大 3:0, 城大 WIN 專教院 3:1, 專教院 WIN 港大 3:2

(1) 用平時打球局既計法
港大: 3:0, 2:3 = 5-3 = +2
城大: 3:1, 0:3 = 3-4 = -1
專教院: 1:3, 3:2 = 4-5 = -1

係咁既情況, 港大就會係第一出線, 城大同專教院就會係同分, 咁就會計勝者為王, 即係城大會第二出線, 專教院會出局

(2) 用大專盃既計法:
港大: 3:0, 2:3 = 5/3 = 1.66
城大: 3:1, 0:3 = 3/4 = 0.75
專教院: 1:3, 3:2 = 4/5 = 0.8

係咁既情況, 就會係港大第一出線, 專教院第二出線, 城大出局

其實大專盃用既計分方法就係國際乒聯規定既計分法, 只不過我地可能習慣左, 同埋計正負數加勝者為王會易d計
有無人知乒總盃同埋乒總團體賽, 係跟國際乒關既計法, 定係平時球局既計法?

[ 本帖最後由 阿舜 於 2014-1-29 14:33 編輯 ]