睇完咁多位師兄講野，小弟都想發表一下意見，其實樓主話港大打假波，就一定要有一個前設：只要港大呢間學校一對上專教院，專教院一定要慘敗(不論陣容)。我又想問，樓主憑乜野去證實呢件事係一定發生同成立先？我已經唔係想為城大同港大講任何野，我只係覺得以我所知專教院的主力係香港乒壇雖然名氣不及港隊或港青，但都有一定ge技術保證同地位，樓主不負責任的留言絕對對佢地係一種侮辱，難道一句對面係港隊或者對面係名將，佢地ge努力同技術就完全不值一提？一但贏左就係造假？贏就是贏，輸就是輸，點解專教院的出線就要直接放在打假波之上？咁全香港應該全部人都唔駛同港隊或者港青打比賽，因為樓主話ge，唔駛打架啦，結果一定係咁。加上樓上的師兄們已經將論點指出。總括而言，樓主的言論以偏概全，根本無的放矢，完全不懂何謂尊重，樓主未潛水就上水回應下。
