smallstar

今日病左響屋企無返工，發燒燒到101度訓左成日，我再睇翻原來我都無寫過 blog

話說我小學五年班打過幾過月乒乓波，跟住之後停左，到中二又打兩個月到，果時係返緊學，學校有兩張波檯響操場，一早返到課室點完名之後放低個書包，就偷偷摸摸同第二班的兩個同學落操場打，如是者就打左兩個月打到暑假，由中三至大學畢業到出來做野都無打，原因係週違既同事，朋友都唔鐘意打乒乓波，直至今年二月發現有個乒乓球論壇，響果度可以約人打波，由此時開始就打波打到而家，所以我既波齡夾埋都係一年多少少。
在乒乓球論壇時時想約波友打波，但點知約打波帖子亦時常被其他帖子壓到第三四版，到搵到時唔係滿額就過期，直到十月中無意中聯絡到我地既總壇壇主，便把心一橫要做一個更容易約打波既論壇，好多波友都問我係唔係同我地既總壇壇主好熟同認識已久，其實我地第一次見面就係版主約戰九龍公園果日，咁耐只係電聯絡。哈哈

:lol :lol

smallstar

引用:

原帖由 wyfman 於 2007-11-15 21:21 發表
我年頭都成日發燒,醫生叫我年尾要打流感針,但到現在還未打針:L
你快d打番支流感針啦!:victory:

我去年十月响公司先打完流感針，啱啱一年內無乜事，一過左十月大傷風咳兼發燒，又出唔到聲，病足一星期，唔打好過打，我以後唔會再打流感針，免費都係咁話，難然睇醫生都唔駛錢，咁大個人都未試過咁辛苦！

:'( :'(

smallstar

今朝一起身就收到個總壇主既 SMS ，話個 forum down 左，跟手上網睇睇，大鑊個 sever 唔比寫野入去，心諗要揾返最近係兩日前 25 號既 backup 帶回公司做 restore，但又驚 restore 唔到，因為起左個論壇咁耐都未試過做 restore，如果 restore 唔到既話，個幾月既 post 同登記左既會員資料會無晒，帶着沉重心情返公司，結果搞到中午先有部份回復原狀，最後還要網頁寄存公司幫手 reset 返整部份設定，才能將論壇回復原狀。

:L :L :L

smallstar

今日帶囡囡去歌和老街打恒生乒乓大比拼比賽，我諗住佢第一場一定輸，打到第二局已是輸2:0，諗住打埋第三局3:0走得，但點知第三局峰回路轉，比我個囡囡反勝一局，跟住重大比數驘埋第四，五局，要打多另一局，又比我個囡囡 3:0 驘左，到A組出線結果要遇到強勁對手，上屆同前屆冠軍，給果輸左。

:lol

smallstar

呢個星期響公司全日都試緊幾部數碼電视機頂盒，真係比 OFTA同TVB 玩死，上星期試收咁多個數碼頻道都有聲，諗住可以叫工廠大量生產，點知到左今個星期繼續試標清機頂盒，但TVB 所有數碼台有畫無聲，而 ATV 有畫有聲，重以為係 TVB 發射台壞左，即刻打電話比 TVB 既朋友問，點知原來TVB 轉左音頻AC3 2..0制式，朋友話係跟據 OFTA 的規格做的，原來OFTA 規格話可能有呢個制式又可以唔須要(市埸做主導)，即係變左 TVB 做主導，即刻叫工廠停產，唔係啲機頂盒落到香港唔知點賣，ATV 有聲而 TVB無聲，而家又要重新設計過，有排都唔得閒！

:(

smallstar

今日返到屋企收左封卦號信，係警務處寄來，要告我開快車超速，要我提供司機姓名，我即刻打電話去查，話50公里超8公里，不扣分，罰$320，惨