|
版主
 
- 帖子
- 3417
- 積分
- 4784
|
1#
大 中
小 發表於 2010-5-22 18:35 只看該作者
乒乓路上,寸步難移!
(30/06/2008) 近兩三個月，兒子愛上了打乒乓球
http://www.hkttf.com/viewthread.php?tid=14730&extra=page%3D1
近兩三個月，兒子愛上了打乒乓球, 上星期六, 上了一堂, 導師教了一些技巧, 晚上即 book埸練習! 希望掌握到那種 feel 及力度! 我瞭解他的想法及感受到他想 ”殺波殺得好” 的強烈欲望!
學校考試完了, 可 relax 下!
星期日, 早上陪他打了2 小時乒乓球, 中午他約了同學再打2 小時, 晚上我再和他打1小時, 真有點誇張!
(16/09/2008) 兒子等待了3 個月的乒乓波拍終於到手了
http://www.hkttf.com/viewthread.php?tid=14734&extra=page%3D1
中秋節 (星期曰), 兒子等待了3 個月的乒乓波拍終於到手了。教練砌的,銀河板, Donic F1 膠面。教練說,初学者用這塊拍巳足夠。
兒子覺得這塊拍比红雙囍3 星好!
殺球力量和速度都強很多!
但新拍還須時間去習慣!
(19/10/2008) 今日, 仔參加北區乒乓球分龄賽, MI 組, 16 强止步
http://www.hkttf.com/viewthread.php?tid=14738&extra=page%3D1
今日, 仔參加北區乒乓球分龄賽, MI 組, 16 强止步 (首次參加乒乓球賽)
笫一場对手是龔X軒, 仔輕易3局連膀!
入16 強,對手x謙, 月初剛代表其區青苗出戰08年青苗區際錦標賽, , 勝兒子3 局, 第3 局打到11:8,
賽后, 仔巳知將來對手大概的實力 及自己的現在水平!
兒子第4堂學波, 學搓波 (01/11/2008)
http://www.hkttf.com/viewthread.php?tid=14741&extra=page%3D1
今日, 兒子第4堂學波, 學搓波
教練說, 兒子基本功還未得,
但打計分時, 攻擊意識很強, 心理質素不俗,走位好。
我說: 那就請教練多多栽培了!
自從學打乒乓球后, 兒子便愛上了這運動,
投入情度巳遠超過象棋和跆拳,
打乒乓球, 若他要去到他在象棋和跆拳的水平,
還有漫長的路!
我感覺到 他要打好乒乓球的强烈慾望,
但我幫不到他,
那只好拜托教練了!
(04/01/2009) 仔第二次乒乓球賽結果
http://www.hkttf.com/viewthread.php?tid=14744&extra=page%3D1
今天(Jan 4), 仔第二次參加乒乓球賽。
2009年全 港公開乒乓球單項錦標賽, 男子戊组, 冇分齡,对手是郭x邦,他是06年全港公開乒乓球排名單打錦標賽, 男子單打, 丁組殿軍!
仔連輸三局!
首局: 11:2
笫二局: 11:6
笫三局: 11:7
仔打得很差, 發揮不到平常水準。
我猜可能是對手開球貭量好, 所以难打；
但仔就話:
1.比熱身時間太短,搓幾球就開始,
2. '手緊'
遲 D問下教練怎改善!
(23/01/2009) 大笑話, 赴波局, 竟忘記帶拍!
http://www.hkttf.com/viewthread.php?tid=10656&extra=page%3D2
兒子首次去其它會的波局!
大笑話, 赴波局, 竟忘記帶拍!
今天下班后, 帶兒子去乒匯在順利邨体育馆的波局,
去到見到一位着乒乓球衣的青年,
一人坐在場外椅子等侯,
原來就是乒匯的太陽之子, 真是名如其人,
充滿陽光氣息, 開朗, 健談又好人!
知小兒冇帶拍, 借了一塊比他用,
厲害!反面是長膠, 可惜, 小兒未能駕馭它!
今天三小時波局, 兒子和數位波友砌磋,
各波友打法各有特色,
打球間,有講有笑, 兒子玩得很開心!
哈.哈.哈, 他竟覺3小時波局短了一點! (可是, 回到家巳11:30 pm)
太陽之子不吝賜教, 使我看到兒子一些打波的弱點,
真多謝他!
乒匯的朋友很 nice, 太陽之子,野田妹, Dicky, 狼仔.....,
Many thanks!
有機會, 一定帶兒子再赴波局,下次他一定記得帶拍 lar 
(20/03/2009) Daddy,你估乒乓球賽我可拎獎嗎?
http://www.hkttf.com/viewthread.php?tid=11995&extra=page%3D1
昨天, 兒子對我說:
"Daddy ,你估我將來拎唔拎到乒乓球賽的奬。
我説:
"比較難, 因為對手太強, 香港小朋友的乒乓球水準太高了!
你勤力練習, 幾年後地區的分齡賽,可能有小小的機會,
全港賽就冇乜可能了!"
他默言不語 …
仔, 每個人的天份不同, 時間有限, 不是每樣比賽都可拎 獎的！
(31/03/2009)事後反省, 我是否在揠苗助長呢？
http://www.hkttf.com/viewthread.php?tid=12340&extra=page%3D1
幫兒子報南區月賽, 志在幫他拿比賽經驗,
我心想 就算他一分都取不到,都不要緊, 最重要就是取經驗,
但小朋友原來不是這樣想的!
當大人對手打球的質量好, 不同打開波的小波友,
自己有些平時打得好的球, 現在全打失或落網,
兒子便 hea打了 (打乒乓球 EQ 唔得!)
最後一對手對 old cake 伯伯時, 才重拾情緒, 認真打!
回家路上, 他都說後悔有此 hea 打表現,
並承諾下次不會了,
我即問他有何方法控制情緒,
他說是秘密, 不告訴我!
事後反省, 我是否在揠苗助長呢？
11歲, 9 個月前才學握拍打乒乓球,
他的力量, 技術, 比賽經驗等都不足,
我竟送他去參加大人高手雲集的hktff 南區月賽!
我的出發點是好, 但方法好似錯了!
(03/05/2009) 打乒乓球影响了學業
http://www.hkttf.com/viewthread.php?tid=13503&extra=page%3D1
兒子打乒乓球影响了學業, 考試成績退步了!
我想罸他暫停打波一段時間,
但又怕影响他學波進度。
況且, keep 住打波, 手感可keep 住,
若停打一段時間, 它便會消失!
不竟打乒乓球都是一項有益身心的體育活動,
我支持他參加的!
當我責罵他不要玩太多, 成日去打波
他一本正經反駁說他不是去玩......
系去練波!
我欣賞他對乒乓球運動的執着, 練波的認真,
但更想他花多一點時間於學業上!
(28/06/2009)彷彿聽到你的 draw 聲!
http://www.hkttf.com/viewthread.php?tid=15574&extra=page%3D1&page=1
今早你參加北區乒乓球分齡賽,
你叫我不要去看, 免給你壓力。
我陪你到賽場, 拍了兩張照片后,
便回家等你的消息!
第一場, 你3:0 赢了對手出線。
第二場對手, 有幸遇上今年全港公開青少年乒乓球錦標賽
B 組亞軍何x 豪,
你3:1 輸了 ! (首局11:3 赢, 之后三局就 8:11, 7:11, 6:11輸)。
你說今日巳發揮水準,
我冇去看, 但你告訴我比賽情況時,
我彷彿聽到你比賽時發出的 draw 聲!
上年 6 月28 日, 你上第一堂, 跟教練學握拍,
今年 6 月28 日 (今天), 你參加此分齡賽,
一年啦, 上天為你安排咗這比賽作升班試,
好! 剛 pass, 准予升二年班！
再努力練習 la, 基本功扎實D, 下年捲土重來,
你將是北區一個難纏的對手!
後記 (3:00 p.m.)
我剛去體育館, 見到赢小兒的對手何 x 豪, 在4 強戰中, 3:0 打波敗對手
睇唔到小兒對佢那場比賽,
睇番這場補數,現場感受刺激,
Draw 聲此起彼落,分數咬着上
比賽日早上 (28/06/2009)
http://www.hkttf.com/viewthread.php?tid=15623&extra=page%3D1
(01/09/2009) 乒乓路上，好多變數
http://www.hkttf.com/viewthread.php?tid=18046&extra=page%3D1
兒子玩咗乒乓球巳有14個月, 雖沒有初學時的瘋狂, 但還是很熱愛此運動! 在這乒乓路上，我陪他一起走, 但看不清前路, 我覺得有很多變數! 遠的不說了, 就單睇未來兩三個月, 就可能有很大變化!
1. 升中開學后, 因功課壓力, 要減少打波時間, 很大機會發生!
2. 兒子的中學, 據聞棋風鼎盛, 他入到去, 定會如鱼得水, 捉棋的興趣可能再被引發, 並大於打乒乓波, 若捉棋興趣較大, 花的時間自然較多! (一局棋, 捉成粒鐘)
3. 其校今年增設越野跑隊, 應會派隊參加學界越野跑賽, 到時小兒可能被體育老師捉去參賽! 若老師叫到, 小朋友好少托手踭! 但練跑是很花時間的!
升中后, 兒子是否能在這乒乓路上繼續前進呢?
我不知道, 因為前面太多變數了!
(12/09/2009) 九龍城分齡賽, 兒子 16 強止步!
http://www.hkttf.com/viewthread.php?tid=18468&extra=page%3D1
九龍城分齡賽, 兒子 16 强遇張X亨 (乒總球員排名榜12歲或以下排32),
3:1 輸咗!
兒子笫1局11:6 勝,
笫2, 3 局, 都係打到10平手, 之后輸!
笫4 局, 11:5 輸
今次比賽, 他正手打得幾好, 这是暑假刻意練正手的结果,
反而, 反手少練咗 , 變成弱點, 係咁比對手攻擊!
其實, 32強 或 16 強都冇所謂,
最开心是兒子話比賽時巳發揮平日水準!
他輸, 就是技不如人吧!
3 個月前, 他玩北區分齡賽,
對手就不攻他較强的反手, 係咁打他正手,
http://www.hkttf.com/viewthread.php?tid=15574&extra=page%3D1&page=1
今次則剛相反!
唔知再打多6 個月,
能否正手反手 都一齊OK 呢!
(06/10/2009) 點解11歲才學波係遲左呢?
http://www.hkttf.com/viewthread.php?tid=19408&extra=page%3D1
我在 此論壇網誌中,分享了小兒由上年 6 月中開始學握乒乓板到現在,他在此乒乓路上的事情及我”陪太子讀書” 的感受!
近来覺得，”小兒11歲才學打乒乓波,真係遲左!” 所以昨天以此為題寫了篇網誌:
http://www.hkttf.com/viewthread.php?tid=19370&extra=page%3D1
點解話 “真係遲左” 呢? 因為他11歲才學波, 14 個月后就升上中學, 那時, 只學得眾多乒乓技術的皮毛, 還有大把野要學, 還須要大量時間去練習。 可惜, 他升中后,因功課壓力, 現在巳抽不出足夠時間用於打乒乓球了! 有點可惜! “遲左” 就是這意思! 所以我覺得小朋友早點學波較好(5-6 歲時起步), 那時, 功課少, 大把時間練波打分而不太影响學業。 不然, 升中后, 可能會遇到小兒同一問題, 冇乜時間打波!
“遲左” 的慨嘆,不是因為他11歲才學波,難在比賽得獎、或難入代表隊, 或打輸左找藉口!
此外, 看到小兒和其球會同齡的波友打分,我常有一種想法, 若果他早D 學波就好囉!
與他同年紀或比他年輕的波友, 波齡都比他長, 大多數 5-6 歲就學波, 所以基本功都較小兒扎實, 掌握的乒乓球技術也較多! 最近, 他的一位同齡波友, 剛考入恒生精英隊!
反觀小兒, 15 個月前, 由學握板開始, 不斷學習新教的技術, 搓波,攻波, 推波, 橫打, 拉加轉, 現在才學拉前衝, 還有拉短、步法….. N咁 多技術未學!
每學一項新教技術, 就會多花時間去練習, 原有的技術, 練習少了,會打差左, 此長彼消,
同時, 他又會在打分時試用新學的, 導致打分表現不稳定!
不斷學新野, 不斷練習, 打分表現不斷時好時壞!
別人眼中, 這是很正常的學習過程 ,
但看在我眼裡(從一位父親的角度去看), 兒子乒乓路上都好辛苦! 所以我有點兒憐惜!
昨天, 兒子看到我寫網誌, 他說: “邊個話我遲呀? 而家我都打得幾好呀!”
我知道他還是熱愛打乒乓球, 且樂在其中, 也沒有遲起步的感覺,
之不過, 我這個”陪太子讀書”的爸爸有些感觸而矣!
哈哈哈, 可能就因為遲起步, 他變得更珍惜學波練波的機會,
變得更勤力, 去追近與其球會波友的打波水平!
(07/12/2009)青苗的取錄名單, 冇你個名!
http://www.hkttf.com/viewthread.php?tid=21481&extra=page%3D1
今天青苗甄選試的取錄名單公佈了,
名單上, 有很多你熟識的名字,
是你在北體會的朋友!
哈哈哈, 就系冇你個名!
不過, 對此結果, 我和你都不覺特別惋惜!
Remarks :
1. 真系唔惋惜?
Yes, 碓系唔惋惜!
2. 點解 ?
A long story, 好難三言兩語解釋清楚!
3. 下年再考?
Very likely,會抱同樣心態!
4. 乜野心態?
得既, 自然開心 la,
唔得, 都冇乜所謂 ar
(23/12/2009) 打乒乓波正確動作, 知易行難!
http://www.hkttf.com/viewthread.php?tid=22221&extra=page%3D1
昨晚, 你同我講, 自己有很多打乒乓波動作要改正
( 正手拉波、直板橫打、反手彈波、 側身等),
還示範比我睇,
正確動作應是怎樣的!
你知道自己錯在那裹,
單一動作, 你做到,
但組合其它動作及步法,
就有問題!
打乒乓波正確動作,真係知易行難!
但最重要是你有心去改,
终有一日,
你定能做好那些動作的!
(03/01/2010)今日丁組賽,一次很好的經驗
http://www.hkttf.com/viewthread.php?tid=22664&extra=page%3D1
冇乜花時間, Blueskyson 第 一場就比對手 3:0 勝 !超快可回家繼續温書, 準備明天考試!
對手哥哥好強, 正反手拉前衝,小兒擋到出晒界, 再加埋那下同樣好的直板横打, 小兒輸得心服口服! 他說第一次接那麽快及衝的球! 
我回家在網上search 那位對手哥哥的資料,
他有打 乒乓球超級聯賽 2009 秋季賽事(甲組) 的!
哈哈哈, 真謝謝他, 兒子可得一次寶貴的比賽經驗;又可超快回家繼續温書! 
P.S : 那位哥哥巳入64強了
(10/01/2010) 兒子打波拎分的主要技術在變化中
http://www.hkttf.com/viewthread.php?tid=22880&extra=page%3D1
兒子打波拎分的主要技術在變化中:
最初是攻波----->橫打 (維持最長時間, 直至近期)----->正手拉波 (初學時,還是以橫打為主, 但近期暫暫開始拉到前衝, 力量和速度都比橫打快, 又較容易拎分, 所以他最近一兩星期打波, 一有機會就正手拉波, 可能是加轉 或側旋或前衝)
之前, 我同 他講, 一般來說, 正手拉波的威力是大於橫打 (是我的感覺, 沒有做資料搜集), 但兩者應不可兼得,
http://www.hkttf.com/viewthread.php?tid=21588&extra=page%3D1
所以我 叫他花多 D 時間練好正手拉波, 但他聽不入耳話自己是以橫打為主的!
不過, 現在他嘗到正手拉波的威力時, 觀念巳開始在轉變中!
哈哈哈, 他昨天中午和一位波友打咗40局, 赢咗38局就是主要用正手拉波 la!
(之前是 6:4 波, 或 5:5 波的)
(09/02/2010)其實我都想現場睇他點樣輸!
http://www.hkttf.com/viewthread.php?tid=24078&extra=page%3D1
星期日(Feb 7), 有學界乒乓球賽(大埔北區中學),
早上, 我去拍了一些照片。
當我離 開 體育館去兒子學校家長日的時后,
大會廣播兒子的中學對劉 xx 中學,
我離遠見到兒子出場, 我就拿相 機zoom 過 去拍了張照片, 就走 la!
在車上, 我祈禱 祝他能打出平日水平!
見了老師, 拿了他的成 績表, 便趕回體育館!
那場比賽, 兒子輸了,
他輕描淡寫的告訴我: 輸咗 la,
哈哈哈, 其實我都想現場睇他點樣輸!
(13/03/2010) 睇你比賽, 我發現你的大弱點
http://www.hkttf.com/viewthread.php?tid=25001&extra=page%3D1
今日學界乒乓球賽,我去 睇, 你冇出聲, 我自然留下睇你比賽!
(以前, 你話我睇你比賽會比你壓力, 你會請我離開的, 哈哈哈, 今次例外)
我發現你的大弱點, 在賽前, 賽中出現,一般打分是看不出來的!
我打波雖然打得比你差,
但我很了解及關心你的情況!
今日睇你打咗幾場波, 我擔心又開心地發現你打比賽的大弱點。
擔心的情況, 真的在比賽出現, 已冇可挽救!
開心是我知道以后,你應怎去改善,
你亦同意我的看法!
(14/03/2010) 昨天,你拎到第一面獎牌
http://www.hkttf.com/viewthread.php?tid=25008&extra=page%3D1
你打波巳一年九個月了,
昨天拎到第一面獎牌 (大埔及北區學界乒乓球賽丙組季軍)!
來之不易, 所以我在此一記!
但我感覺到你冇乜特別開心或興奮(開心當然有的 ),
我也是一樣!
第一次睇你正式的乒乓球賽,
發現你的大弱點,
哈哈哈, 我反而更開心及興奮啊!
(21/03/2010)第一次拎區隊際賽亞軍 !
http://www.hkttf.com/viewthread.php?tid=25289&extra=page%3D1
你今天比賽(北區乒乓球隊際賽C 組),
和上次一樣, 你冇出聲, 我一直留下睇你比賽, 直至四強賽你請我離開, 所以最后兩場冇影相!
今天共對了5 隊!
冠軍對手好強!
(單打: blueskyson 6:11 及 8:11 輸比乒乓論壇的鄧x 軒)
是你第一次拎區隊際賽亞軍 !
網友sam1996921問小兒: 幾時比個第1比我睇呀?
我答 :
1年3個月后, 波齡達3 年時, 可能有機會!(區賽而矣)
但在未來一年中,
他要接受我的意見, 作出改變,
否則, 永遠追不到同齡對手,
他進步快, 對手進步更快,
點解?
他就要想一想了
(02/04/2010)青少年乒乓球賽(男 C) 入32強
http://www.hkttf.com/viewthread.php?tid=25707&extra=page%3D1
你打波巳一年九個月了, 今天的全港公開青少年乒乓球錦標賽( 男子少年 C 組) 是最大的考驗!
有230 位參賽者 (當中 有 32 位種子球員), 分8 組 (BC-1 to BC-8), 每組28-29 人。
第一場: 赢對手3:0 (細分15:13, 11:9, 11:5)
第二場: 赢17 號種子3:1 (細分11:5, 14:12, 8:11, 11:8)
第三場: 赢對手3:0 ,入32強 (細分11:9, 11:9, 11:9)
第四場 : 輸 3 號 種 子0:3 (細分2:11, 8:11, 6:11)
下年定捲土重來 !
比賽點滴:
1. 第 二場對種子, 兩人的球拍被抽檢過機 (右邊台上兩塊板)。
2. 遇到朋友, 你坐教練席 。唔知有冇用呢, 因為這朋友比賽經驗豐富過你好多。
3. 場地和 平日打慣的體育館很不同, 地板, 光線, etc. 第一場完全發揮唔到, 所以你應去多 d 不同場地比賽!
打慣的體育館:
4. 比賽經驗少, 你只有帶拍, 波都冇帶 ,
好彩遇到那位朋友有帶波, 第二場前掃咗一陣波, 熟習環境及熱身!
5.你認識的波友數目少, 參加外面(離開北區)的比賽, 即使有空場,
都找不到熟人同你掃波熱身!
6. 你每場比賽, 我都冇睇, 都係在比賽前拍幾張你和對手熱身的照片,
就到地下大堂sofa坐下, 等你電話!
(10/04/2010)你打乒乓波的弱點很多!
http://www.hkttf.com/viewthread.php?tid=26037&extra=page%3D1
你打乒乓波的弱點很多 (是指 blueskyson), 其中三大弱點是:
1. 打來打去都是在家附近的體育館, 其他遠d 的, 你都唔去!
不同體育館, 場地環境很不同, 地板, 光線,氣流 etc.不同,
唔打慣, 打比賽時就要多點時間掃波熱身(好多時候, 未必有機會咁做 ),
不能第一時間進入狀態!
2.打來打去都是那班波友, 大家都熟對方波路, 你少和其他人打分,
適 應對手的能力較弱, 比賽時就不能第一時間適應對手!
打乒乓波, 就是鬥快適 應的運動 (場地環境, 對手打法, etc)
3. 少打乒乓波比賽, 平日打分和真正比賽, 氣氛和壓力都不同,
那麼, 比賽時就發揮不到平日的水準!
比賽經驗是要累積的,
須知能在比賽發揮水準的球手, 大多是身經百戰的!
我上面所講, 你應該都知道的,
以后你應該點做, 自己好好思考下吧!
(19/04/2010) 適應"冇機",是痛苦的事!
http://www.hkttf.com/viewthread.php?tid=26396&extra=page%3D1
兒子有兩塊拍, 以前, 平日打波就用舊拍舊膠, 另有一塊比賽拍! 兩塊拍和膠都是同一牌子型號,比賽拍用冇機膠水, 膠片完整冇崩。約比賽前10天, 開始練返塊比賽拍,但始終有適應問題,發揮唔到平日水準!
約兩個月前, 我和兒子商議后決定, 他以后只用一球拍, 平日練波及比賽都用它, 情願在比賽前把崩咗的膠片換新的!
適應"冇機",是痛苦的事, 以前只是比賽及之前用 "冇機"痛苦幾天,現在平日練波及比賽都用它!
用 "冇機", 膠片冇咁彈, 拉 d 波唔夠力, 成日落網, 大 力 d, 又控制唔好而出界, 手感好似冇咗,攻擊力打個8折!
這兩個月, 我去睇 blueskyson 練波, 見佢咬哂救命, 練到發忟憎, 我每次睇一陣, 開解兩句, 就走 la,真係no eyes see !
等他教練處理他的情緒! (辛苦 la, 教練, 我知我個仔的脾氣 )
比賽又係, 他怕打失, 打得較保守, 次次都係靠開波及搓波為主, 不敢輕易起手, 橫打信心大d, 才間中用上, 這和他全攻型的性格是不合的!
日子一天天過去, 昨晚兒子請我幫他磨拍邊！我覺奇怪, 他這塊拍是舊拍, 已用了一年多, 點解而家要磨呢! 他見我不明白, 就伸出隻手比我睇, 原來握拍磨出來的舊繭位置周圍, 又被磨得紅瘇!
現在他好似已適應了"冇機",發力拉波都開始控制得到, 但要用更大的力量才可抵消"冇機"的"冇力", 所以舊繭也被磨紅磨痛!
我當然樂意幫他磨拍 la
他痛苦了兩個月去適應"冇機", 終於, 近幾天才有些突破, 好似適應到 la, 這種轉變像似突然發生, 其實他已練習一段日子了!
我的惡夢也告一段落 la
(21/04/2010) 破蛋 la, 共取了38分!
http://www.hkttf.com/viewthread.php?tid=26445&extra=page%3D1
哈哈哈, 今天看乒總的最新排名榜, 睇到blueskyson已再不是零分球員了!
他在最近一次的乒總球賽 , 破蛋 la, 
贏左三個對手,共取了38分!
(02/05/2010) 要有進步, 先要退步
http://www.hkttf.com/viewthread.php?tid=26695&extra=page%3D1
要有進步, 先要退步!
新的動作或打法是需要時間去練習的,
在過渡期, 你會因改變了平日的動作或打法導致打波能力倒退!
我最怕在這段日子看你練習,
怕看你打失波, 打出界, 打落網而忟憎!
既然改變是你自己選擇的,
你就要有心理準備去接受改變期間的苦惱!
須知, 龍蝦的一生, 要脫殼好幾次才能長成巨大的身軀!
待續......
[ 本帖最後由 Bluesky 於 2010-5-23 08:34 編輯 ]
|
