引用:
原帖由 timothymak 於 2012-7-21 23:17 發表 
想問XIOM咩膠最旋，又快?
膠呢, 我想我都係要講一下.....如果你敢問, 大家是是但但你推我推, 都唔知你想點.
如果用國家去分如中國膠, 日本膠, 德國膠去分的話, 可能有點混亂, 因為呢幾年好多crossover, 有日本膠似中國膠, 有德國膠偏中國膠....混亂到死.
簡單一點就用膠的表面的特性去分比較可靠, 就係個膠面係 粘性 或 澀性.
粘性膠, 換言之就係個膠面好粘, 好似膠紙敢, 粘下粘下的.
以前打中國膠友誼729果d的時候, 快膠面差不多可以 粘住個乒乓球 反轉快板個乒乓球都不會掉落地.
呢d膠依靠個膠面粘住個乒乓球, 帶動乒乓球產生強烈的旋轉的. 雖然真係好轉, 但又因為粘住左個乒乓球, 相對速度上慢一點. 中國以前十快膠中有9.9快都係粘性的, 所以有人分類叫中國膠.
澀性呢, 就係個膠面基本上係一d粘的感覺都無, 就叫澀性.
呢d膠, 無粘性, 點產生旋轉丫?? 澀性膠有一個特點, 就係膠面比較柔軟, 當個乒乓球用力量打入快膠時, 快膠凹左入去, 之後個乒乓球好似比快膠包住, 令磨擦面積大左, 而去產生旋轉. 就係因為要用力量打入去, 所以用呢d膠的時候, 拉波的手法上有點不同, 又有d專業的人叫 "打磨".
就係因為要 打, 加上膠面無粘, 所以速度很快, 但始終都係無粘性, 旋轉相對地比較無敢轉. 以前德國多數都係呢d膠, 所以有人分類叫德國膠.
上面的都係相對的, 最近呢幾年有好大的變化!!
如果你又要轉又要沖, 你自己開波對手就食到飛起, 對手開波你自己就一d都唔食轉, 你自己爆沖對手連板都爆, 對手爆沖你自己就輕輕鬆鬆擋一野就自動上到對手檯, 世上無呢d神膠, 你要神膠的話, 你問主耶穌吧, 不要問我們波友.
