friendlybrother

引用:

原帖由 garytang2018 於 2018-3-6 08:32 PM 發表
因為小弟發球老被起大板發力彈或推，有說正膠發球用撞擊，但我撞唔出

首先，用得正膠都應該明白係無反膠咁轉，況且改用新波制造旋轉更差，所以無謂浪費大量時間去練習如何用正膠發得轉。

其實，你面對的問題唔一定係因為發球唔夠轉，對手才容易起板彈或推你的發球。你想令對手難以直接進攻你的發球，唔一定要發得轉，因為就算用粘性反膠發死轉，技術好的對手也仍然可以進攻的，要正確防止對手直接進攻的方法，應該係以假動作迷惑對方錯誤判斷旋轉的種類，及透過不同落點，快慢，長短，去令到對手難以應付，你應該多些在這方面下苦功，效果會更好。

補充一點，發球太轉的話，對於對手係專業球員，可能會仲衰過唔轉，對方更容易上手搶攻，點解呢？

因為這是流體物理學定率，例如：凡係上旋球，飛行弧線必定是曲墜的，落台反彈必定是有突然加速向前及下沉的傾向，對方看見這些弧線，就已經好容易可以正確判斷係上旋，仲點會吃你轉呢，對手可以果斷發力打爆你啦。下旋卻比較平飛，落台反彈不會有加速向前，極轉的下旋球甚至不彈出，看見這傾向，對手就已經好容易可以正確判斷係下旋，仲點會吃你轉呢，可以透過接觸球的側面弱轉區或翻腕式打球，就可以直接進攻你，不吃下旋了。故此，高手過招，不是球球都發強旋轉的，而係似有似無，假動作多多，令到對手難以快速判斷是那種旋轉。


[ 本帖最後由 friendlybrother 於 2018-5-22 15:21 編輯 ]