兩位師兄稍安毋燥, 大家都係分享吓意見je.
小弟覺得兩位結論結果根本係一樣, 只不過係從不同角度分析. 一位係從實戰手感作評論, 而另一位就從物質結構作分析, 所以兩位都無錯言. LIKE!
以小弟愚見, 兩塊膠皮同海綿都唔同:
膠皮:
BARACUDA 膠皮俾我ge感覺好似軟化咗ge JO GOLD系, 帶微粘而唔會像狂飈或729粘住嗰波, 所以手感較咬球而不阻脫球速度. 製造小旋較易.
ACUDA 感覺類似F1 series, 較彈, 脫球俾BARACUDA 稍快.
海綿: 兩塊質地都好唔同.
BARACUDA 蛋糕海綿係比較硬身, 但從中注入氣泡, 產生好多氣孔, 我諗係利用留在氣孔ge空氣, 當受到壓迫(球打入海綿時)而產生爆炸反力效果(類似灌膠ge原理).
ACUDA 就似白金類, 不過將密度提高, 提升速度和力量, 提高遠枱擊球ge前冲力.
其實我覺得兩塊套膠性能上都好唔同, 唔知点解外界話ACUDA係BARACUDA的升級版.
我認為BARACUDA較適合中近枱打法. 而ACUDA 較啱中距離.
配板方面:
BARACUDA 建議配d硬身ge板, 先可以發揮膠ge性能, 又轉又冲.
ACUDA 配有微’籐’性ge底板, 中枱發力, 爆炸力強勁.
以上係我個人意見, 請莫見怪.
[ 本帖最後由 thynk 於 2011-7-27 21:21 編輯 ]
