香港乒乓網 - Powered by Discuz! Board

標題: 有感而發之攪球局�比賽之苦 [打印本頁]

作者: (=^x^=) 時間: 2012-2-29 00:52 標題: 有感而發之攪球局�比賽之苦

whyseefull 早前同我講了一句

枱少怕迫人，枱多怕無人

短短數字，講出攪球局�比賽人仕之苦

任何攪球局的人，你地有什麼委結，有什麼辛苦，辛酸
歡迎大吐苦水

作者: 太陽之子 時間: 2012-2-29 00:56

最難控制人數,太少人又怕俾人話唔夠氣氛,太多又話冇得打

作者: 太陽之子 時間: 2012-2-29 00:59

D波加晒價，好似黑仔咁，一晚沖爆4,5個，真係蝕..........
試過帶出去既波，俾人打爆晒，要問人借

作者: Terence 時間: 2012-2-29 01:03

引用:

原帖由 太陽之子 於 2012-2-29 00:59 發表
D波加晒價，好似黑仔咁，一晚沖爆4,5個，真係蝕..........
試過帶出去既波，俾人打爆晒，要問人借

好鬼認同. 今晚又冇左5個Double fish 3 stars

作者: Terence 時間: 2012-2-29 01:07

其實好明白大家想熱下身先開波, 但某些球友似乎太熱衷熱身, 往往要主事人三催四請才開波.
簽場亦是另一大問題, 一個月前用台柱訂左場, 但又臨時到唔到, 少個場又唔夠打, 都幾無引.

作者: stevenss99 時間: 2012-2-29 06:17

雖然我冇搞比賽但都好同情你地

作者: borkee 時間: 2012-2-29 07:49

波唔係問題呀！人數先至係最難攪，有時打嚟打去果班人，會打到好悶，呢點我好明白！

作者: lycong 時間: 2012-2-29 07:52

引用:

原帖由 borkee 於 2012-2-29 07:49 發表
波唔係問題呀！人數先至係最難攪，有時打嚟打去果班人，會打到好悶，呢點我好明白！

因為分可以換禮品，試下實施JOIN球局加分黎刺激波友

作者: kei 時間: 2012-2-29 10:05

引用:

原帖由 borkee 於 2012-2-29 07:49 發表
波唔係問題呀！人數先至係最難攪，有時打嚟打去果班人，會打到好悶，呢點我好明白！

都曾經有波友反映過這個問題
不過, 呢個問題既晶結, 係時間及地點既問題
一般在職波友, 都只可在一週中指定某1-2日打波
再講, 因為居住地點問題, 選擇參加近自己住既地方既球局亦是人之常情
所以打來打去都是差不多人係一個難解決既問題

我曾經試過, 舉辦交流球局 (不是比賽, 因為搞比賽太傷神)
例如每週球友廿個人, 我reserve一半比某一球會朋友
並鼓勵雙方球友互相對戰
這樣, 既可給大家交流機會, 亦不會給搞手太大壓力

大家不妨參考一下

作者: 閃人 時間: 2012-2-29 10:35

我都搞過..........

因為

自己水平差,沒有人參加

作者: bd_fan 時間: 2012-2-29 12:44

引用:

原帖由 kei 於 29-2-2012 10:05 發表

都曾經有波友反映過這個問題
不過, 呢個問題既晶結, 係時間及地點既問題
一般在職波友, 都只可在一週中指定某1-2日打波
再講, 因為居住地點問題, 選擇參加近自己住既地方既球局亦是人之常情
所以打來打去都是 ...

Agree!!

KEI, 今年我地兩個球會再擇日比拼下, 比賽第二, 聯誼第一!!

作者: 葉師傅 時間: 2012-2-29 13:20

始終都係面對現實,乒乓球係一種較個人的運動,而且要打得好難度亦相當高,故需時刻練習,這都會使球員的性格較自我/多少自私(這都是正常),所以會對球會/球局的時間、地點、人數、水平、收費及玩法等有很多要求及比較,要滿足哂所有人根本沒可能,有時更會得失了人,故我考慮將來主要招呼的對象,都只係經常會員/自己友,其他的人士不介意亦歡迎,這都係以根本為主,使得更易控制,更免失落有心之人,這都係解決方法 ! 始終業餘都係以興趣為主,自己人玩起再招呼外人成自己人媽 !

作者: kei 時間: 2012-3-1 09:09

葉師傅

"乒乓球係一種較個人的運動,而且要打得好難度亦相當高,故需時刻練習,這都會使球員的性格較自我/多少自私(這都是正常)"

我對此話有一點保留
其實自私, 自我, 係港孩常見現象
出現的原因同家庭, 朋輩, 學校, 社會......全部都有關
年輕乒乓球員有這些現象, 是可以理解的

我認為join球會, 球局, 可以訓練小朋友的社交
以及代人接物的技巧
所以我個人贊成乒乓球運動導致港孩的自私自我

kei

作者: kei 時間: 2012-3-1 09:11

所以我個人不贊成乒乓球運動導致港孩的自私自我

作者: jcclee 時間: 2012-3-1 09:31

葉師傅都講得幾到題....
(說到球局的吸引力取決於) 時間、地點、人數、水平、收費及玩法等有很多要求及比較.

但有時都未必是絕對呢, (舉例) 陌生的朋友為何明知道又偏遠, 人又多, 水平又低,
價錢又唔係最平....都要來到球局呢 ?

原因好簡單, 是自由市場的供求平衡因素.
單一攪手無可能日日都可以攪球局, 除非有私人場地支援(及時間和精力等等 !)

波友A 可能每星期都想打3/4晚乒乓球, 咁就算要佢由香港過來九龍, 都會是願意的.
(我們也只要做好本份, 佢地又點仲會計較甚麼收費或水平呢 ?)

論壇的優勢就是可以凝聚到不同地區的人, 可給予機會大家去隨意交流,
凡是附合條件的都來者不拒.
只問耕耘不計收穫, 說易行難....

至於大家既付出, 最後應該是會有目共睹的 !

(如有錯漏, 請為我作補充)

歡迎光臨香港乒乓網 (http://www.hkttf.com/)