引用:
好似手鎗子彈咁，當子彈發射出黎既短距離係前速 ，到約干距離，子彈速度會比之前快。
唔可能,違反物理定律
彈頭係經由彈殼內嘅火藥於槍管中引爆獲得加速度,並通過來福線產生螺旋射出飛向目標.彈頭離開槍管一刻已經完成加速,之後會受風阻逐漸減速,並會受重力牽引向地心加速,形成拋物線,所以彈頭又稱拋射物
若要在空中飛行時加速必須要有外力將彈頭向前方推進
乒乓球嘅情況相似,個波離開塊板一刻就係最快
前、後速係有類似叫法,不過指嘅係個波到檯前同後嘅弧線分別,離開塊板至到檯前叫「一速」或「第一弧線」,到檯後叫「二速」或「第二弧線」
若果個波拉得夠轉,噉接觸張檯一剎那,部份旋轉動能會轉化為平移動能令個波加速向前跳,第二弧線會下沉
相反下旋球發得重或者搓、削得轉,個波到檯後會急剎唔多向前跳
