睇大C既post, 即回想起我剛打完既丙團. 同一日見到兩極的家長表現.
話說小弟剛到場準備報到時, 上到四樓入場左面兩張檯正在比賽. 見到其中一張好多人圍住睇. 由出名小朋友對魚腸大朋友.
小朋友一方贏球時, 家長當然擊掌支持. 但小朋友輸一球時. 居然側邊既觀眾大拍手掌, 掌聲明顯蓋過小朋友一方. 後來這一分是小朋友拿下, 於完局時還聽到小朋友媽媽懷著極仇視的眼神向住觀眾, 對手方向大叫: 『有天理』!!! 我不知道來龍去脈, 但感覺到很大的仇恨.
打球比賽, 乃強身健體, 互相較技, 遊戲黎. 嚴重點, 就是磨練心志, 向自己目標進發. 但要去到互相仇視甚至到憎恨. 又何必呢?!
另一邊, 就係小弟第一場的對手. 三位小朋友加埋都不及我年紀. 但他們每一位都很認真比賽. 家長亦齊心支持兒子出戰我們幾位 "大人". 結果不用說. 只係打完之後, 大家都有講有笑. 家長對兒子絕對支持唔使講, 但係絕對無仇視對手, 或者當我地係死敵, 而且大家打完波, 都可以分享返球局中的得失. 分享經驗. 呢份互相尊重, 真係令我好開心.
心諗: 唔通小朋友未成名, 或未到可以同一級高手爭霸時, 未有壓力, 輸波咪輸波囉. 家長亦輕鬆得多. 到小朋友達一級好手時, 就唔輸得, 要場場都贏???
